Helga Arnardóttir, sálfræðingur

Andleg heilsa – Helga

Jákvæð Sálfræði

Helga starfar við ráðgjöf og fræðslu um andlega heilsu og leiðir til að efla hana. Hún starfar ma.a við ráðgjöf hjá Geðhjálp, námskeiðahald hjá Grettistaki og Hringsjá og aðstoðarkennslu í Jákvæðri sálfræði hjá EHÍ. Auk þess fer hún á vinnustaði og heldur námskeið og fyrirlestra fyrir starfsfólk. Þar að auki situr hún í fagráði um geðrækt hjá Embætti landlæknis. Helga er með BA gráðu í sálfræði frá Háskóla Íslands, Master of Science gráðu í félags- og heilsusálfræði frá Maastricht University og diplomagráðu á mastersstigi í jákvæðri sálfræði frá Endurmenntun Háskóla Íslands. Hún hefur fengið þjálfun í ráðgjöf á forsendum jákvæðrar sálfræði (positive psychology coacing) við Maastricht University, Endurmenntun Háskóla Íslands og við Wholebeing Institiute. Einnig er Helga með CMA-vottaða núvitundar kennaraþjálfun (mindfulness teacher training) frá Awareness is Freedom.

Þjónustulýsing

Helga býður upp á fyrirlestra, vinnustofur og námskeið um andlega heilsu og leiðir til þess að hlúa að henni.

Fyrirlestrarnir eru um 45-60 mínútur og fjallar Helga um það helsta sem vísindin segja okkur um andlega heilsu og leiðir til að efla hana  og fer hún í gegnum nokkrar gagnreyndar æfingar sem einstaklingar geta iðkað dags daglega til að efla andlega vellíðan og heilsu auk þess sem farið er í gegnum nokkrar einfaldar og skemmtilegar æfingar með áheyrendum á staðnum. Faglegir fyrirlestrar með áherslu á léttleika og hagnýtingu fyrir áheyrendur.

Vinnustofurnar eru vanalega um 2kls langar með hléi í miðjunni en aðlaga má lengdina að þörfum hverju sinni. Vinnustofurnar eru svipaðar fyrirlestrunum nema í þeim er farið betur í æfingarnar og þær reyndar meira á staðnum.

Námskeiðin eru oft um 5 skipti en það getur sveiflast og yfirleitt kennd einu sinni í viku.

Hægt er að fá námskeið á vinnustaði eða kaupa netnámskeið þar sem Helga kennir í gegnum Zoom í beinni útsendingu en þátttakendur geta svo nálgast upptökur síðar og farið í gegnum námskeiðið á sínum hraða. Námskeiðin fjalla um mismunandi leiðir til að hlúa að andlegri heilsu út frá vísindum núvitundar, sjálfsumhyggju og jákvæðrar sálfræði.

Hægt er að lesa meira um Helgu og hennar þjónustu á vefíðunni www.andlegheilsa.is